專業人才房津上榜
原來呢類住房補貼係專門發放畀專業人士，係吸引人才嘅手法，情況就好似香港嘅生果金，無論富或貧，只要達到指定年齡，唔使資產審查都有資格攞，當然香港好多合資格富豪，都會自動放棄權利。
尋日深圳市人力資源和社會保障局公布深圳市高層次專業人才第三季度住房補貼擬發放名單，馬化騰、金蝶（00268）徐少春等都榜上有名，以「地方級領軍人才」身份獲得住房津貼。據內地網站講，○八年購房貼息發放標準為每月3,100元人仔。
好多網民同絲絲一樣，起初都唔明點解咁有錢嘅人可以攞房津，網民隨即提出好多質疑，據內地網站引述騰訊相關人士回應話，「我們尊重深圳特區的人才政策。」
余絲韻