唔輸蝕畀星洲
點解金管局今次咁落力？除咗保障市民之外，絲絲聽聞其中一個原因，係眼見好多東南亞國家都推出晶片提款卡，連香港嘅宿敵新加坡亦喺二○一二年完成呢項工程，內地亦喺二○一四年全面推出晶片提款卡，作為國際金融中心嘅香港又點可以落後於人？
據講金管局呢次除咗推動提款卡晶片化，亦趁勢想銀通（Jetco）與獅子銀行及老牌本地行嘅自動櫃員機網絡聯網，本來兩個網絡各自運作得好好哋，又係商業運作，點解要聯網呢？牙力有番咁上下嘅獅子銀行就更加即時反撲，結果呢個構思再次無疾而終。事實上，好幾年前有關方面亦曾就聯網一事做過調查，一講到涉及收費，客戶對聯網就耍手擰頭。
余絲韻