當「創意公社」顧問
胡戈係邊個？如果大家有睇過一段喺內地熱爆嘅網上短片《一個饅頭引發嘅血案》，又或者有留意內地嘅網絡文化發展，就可能會知道呢位「視頻惡搞王」並非浪得虛名。內地網站流傳佢以百萬元年薪加入阿里集團，而胡戈日前亦出席咗阿里旗下「創意公社」嘅成立儀式，不過佢就向媒體話雙方嘅合作只係做吓顧問，年薪亦不如外界所指咁高。
「創意公社」具體發展方向係乜，外界都唔多清楚，只知道其宗旨係以「創意作為生產力」，而香港上市嘅阿里巴巴（01688）首席執行官衛哲與胡戈則已成為「公社」首批會員，以胡戈喺網絡視頻嘅創意，雙方喺電子商務嘅多媒體宣傳上肯定會有唔少火花。
余絲韻