孔總話八十後剛剛出嚟做嘢買唔起樓好正常，工作咗4、5年後，升職加薪之後，先諗買樓就差唔多。

同桌嘅記者唔少都係八十後，就同孔總解釋，呢一代打工仔最大嘅問題，係唔再好似九七前咁年年都有人工加，相反唔減薪都偷笑，尤其做傳媒的薪酬更係十分微薄，孔總聽後就笑笑口叫大家再勤力啲工作。

叫記者唔好咁搏

食飯食到尾聲，係時候要玩吓遊戲增進吓大家嘅感情，但係之前未能夠同孔總同桌嘅記者，就捉住孔總唔放，係咁問問題。

孔總嘅反應好敏捷，即刻就反問記者一句：「你人工咁低，使乜嘢咁搏呀？」引來哄堂大笑。當然，體貼嘅孔總最終都有逐一回答各位記者嘅問題，等大家有得「交功課」。

余絲韻