新生代要靠父母養

逆向按揭等業主到咗一定年紀後由保險公司每個月畀錢佢哋，到佢哋百年歸老之後就收咗間屋。但係依家中國好多年輕一代仲要靠父母養，同外國仔女大咗就講求獨立唔同，所以好多父母都要留番間屋畀佢哋。

老行尊又話，體制結構亦令逆向按揭難以執行，中國嘅樓市欠缺成熟嘅中介機構網絡，一旦業主百年歸老要收樓，樓市大跌會搞到保險公司好難管理啲資產，好難甩手出去，而且內地又缺乏投資工具去對沖個風險。

另一個阻力係中國無遺產稅，有別於外國將資產留畀下一代要交稅嘅規則，所以呢樣嘢喺中國幾方面嘅誘因都唔大，都係做唔成。

余絲韻