天寒地凍改去做gym

張天生話得到大家咁捧場支持，當然好開心，但坦言如果個「騷」搞得太密，大家未必會咁享受，佢已經決定咗，二○一二年，即係佢75歲大壽時，會再搞「美食人生演唱會」part 2（第二集），如果身體好嘅話，以後每5年搞一次，可能都係不錯嘅提議呢！

佢話自己到了這個年紀，最緊要係身體健康，開開心心又一日，錢財只係身外物。所以佢咁多年，雖嘗盡天下美食，但都必定督促自己要勤做運動，鍛煉身體。佢已多年習慣游早水，風雨不改，但近日天氣嚴寒，佢都沒有偷懶，只係換咗去做健身，跑步機、行山機統統都難不倒他。

今年過年，佢都返咗鄉下。佢話當地市面旺到不得了，食飯人山人海不特止，就連按摩都要初四至開工。不過，雖然內地經濟好，但由於歐洲差，所以佢話今年個股市不會太旺，會淡靜啲呢！

余絲韻