踏入虎年，首先恭祝大家喺虎年賺個盆滿缽滿，財源滾滾來！今日同大家推介受惠國策的中國無線（02369），集團股價在上個交易日做好，全日升近6%，收報2.5元。事實上，集團近日不乏利好因素支持，繼上月發盈喜，預期截至○九年十二月底止全年業績可扭虧為盈之後，公司早前又宣布，佔地500畝的東莞松山湖生產基地已經正式啟用，全面投產後預計將成為內地最大3G手機生產基地，年產量將達4,000萬部。
中國無線於早前的跌市中表現硬淨，其股價回調至20日線水平已覓得支持。而在過去五個交易日，現身買貨的大行亦都唔少，好似高盛亞洲現身買盤就有128次，但現身沽盤就只有11次，其餘好似招商證券、交銀國際亦見跟進，至於里昂證券在上個交易日亦見現身買貨12次。
（小尾）