至於會否寓觀摩於拍拖，帶埋女性「密友」同行？Thomas始終三緘其口。不過，絲絲作為老友，都要提醒一句，每逢大時大節，機場都有好多狗仔隊，小心！小心！

雖然仲有幾日先至飛，但Thomas已經好關心溫哥華嗰邊嘅天氣，因為好似話嗰邊唔夠凍，大會要搬啲雪去比賽場地，所以佢尋日與絲絲食飯期間，都不忘透過其3G電話，上網睇吓溫哥華嘅氣溫。

可能就嚟放假嘅關係，尋日Thomas與絲絲傾偈都好輕鬆，佢仲大講加薪好消息，公司員工今年平均可加薪2%至3%，而幫佢捱咗咁多年嘅董事亦都有人工加。

諮詢「80後」 改5天工作

此外，原來Thomas都好尊重公司內「80後」員工嘅意見，經過調查收集意見，大部分人都認為5天工作可更有效提高工作效率，所以由三月起，合和系員工將會實行「5天工作制」，平日工作時間就由原來早上9時至下午5時半，稍微拉長至下午6時，絲絲聽後都覺得羨慕！

余絲韻