本文重點
隨着股市去年逐步回升，港人嘅投資意欲亦漸見恢復，金融產品不斷推陳出新，如果想令人容易記得，真係要改番個特別嘅名先可以突圍而出。好似宏利推出嘅新產品名為「赤霞珠終身壽險計劃」，法文係叫「La Vie」，原來當中有特別含意。
英縮寫LV吸內地客？
先講中文名，飲開紅酒嘅人都會知，赤霞珠係一種用嚟釀製紅酒嘅葡萄，宏利改呢個名，係寓意新產品好似赤霞珠咁隨着歲月醞釀成為甘醇美酒。
至於「La Vie」其實喺法文解作Life，宏利人壽保險（國際）個人理財產品業務部副總裁周一鳴笑言「La Vie」縮寫係「LV」，希望內地遊客來港購物買手袋時，同時亦會幫襯佢哋買番個「LV」（壽險計劃）喎。
佢仲透露，○九年宏利保險產品既銷情比○八年理想，而喺過去5年間，愈嚟愈多內地人來港買保險，但由於內地居民境外投資受限制，所以宏利仍以本地客為主，內地客只佔約2%。
余絲韻