婚禮上宣布捐款

匹克首席執行官兼執行董事許志華趕及農曆新年前抱得美人歸，上月尾與妻子蔡巧蘭喺泉州舉行婚禮，實在可喜可賀。但原來好戲在後頭，匹克董事長許景南喺婚禮現場即席宣布，再向泉州市慈善總會「匹克慈善基金」作出另一個重要嘅企業承諾，就係額外捐獻2,000萬元，將承諾捐款總額推高至5,000萬元。

雖然確實捐款將按年隨後支付，但已成功為匹克造就「好事成雙」嘅美景之餘，同時亦力證許景南去年當選「影響中華公益的60位慈善家」嘅稱號名不虛傳，所以今次匹克回饋社會嘅決定，對於許志華伉儷、許景南、匹克及社會公益嚟講，肯定係「四贏」。

余絲韻