本文重點
股市旺，證券行競爭亦愈來愈大，想要從中分一杯羹就要諗計出招，或者搵個代言人力谷。工銀國際近排就搵咗港大電子金融服務榮譽助理教授徐燦傑加盟，全力催谷融資及證券交易等業務。
徐燦傑依家係工銀國際嘅投資服務部銷售董事，公司嚟咗香港只有約半年時間，依家希望全力開拓本地證券市場。工銀國際係工行（01398）嘅全資附屬金融機構。
幫手催谷證券業務
徐燦傑其實喺證券界打滾多年，之前喺中銀香港（02388）擔任全球市場部高級經理，主力喺衍生產品方面，之後就過檔咗康宏任職首席投資總監，離職後輾轉多個月去咗港大專心執教，做港大電子金融服務榮譽助理教授，依家就泊咗呢個好碼頭。工銀國際大搞證券業務，佢嚟緊要見客、做宣傳及演講，相信都有排忙。
余絲韻