尋日港股再下試19,800點，恒指早段隨外圍低開，但午後跌幅收窄，之後更倒升。詩詩抖咗咁多日，見大市二萬關兩度失而復得，終鼓起勇氣出手買貨，就係上周曾推介的天地數碼（00500），以每股0.77元買入20萬股小試牛刀，睇樣升勢有餘未盡，應可創52周新高。
雖然大行對今年油價走勢各有分歧，但普遍認為煤價今年易升難跌，煤炭股今年應可跑贏大市。福山能源（00639）早前回落至6.5元即100日線附近找到支持，昨日回升2%，估計調整已告一段落。福山今年計劃進一步收購更多煤礦，若山西新項目成功取得開採證，預計年產能可提升至400萬噸，未來進一步提升至600萬噸。隨着新項目陸續投產，公司產煤量將以倍數上升，收入可望大幅增長。
由於山西省政府將對小型煤礦進行整合，供應會更趨緊張，預期今年焦煤的價格會有相當顯著的升幅。有大行發表報告，給予福山今年目標價為9.5元，詩詩先睇8元，跌穿6.2元止蝕。
詩詩
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |