近期市況雖有反覆，不過股場內鑊鏟友就炒個不亦樂乎，新股、半新股外，近期更炒埋啲股仔，而且炒得好癲吓，一日升一倍都視作等閒，市靜無運行，市旺搵餐晏，買錯總好過無買過，市場氣氛唔知幾時完，有機會就快快手炒番兩轉。
市場現時最關注者，莫過於如何預防通脹。美元貶值係大趨勢，個個都諗點投資保值，咁嘅形勢下，啲金價點會唔升。
金價升自然利好金礦股，近期啲金礦股的確係炒得唔錯，不過好多已經升咗唔少，再上空間好有限，古晨記得隻中國礦業（00340）早前話有興趣搞吓金礦，雖未成事，但勝在有概念，加上本身又係鑊氣勁重嘅炒股，次次「大時代」都炒得兩轉，現價風險又唔高，睇成交熱晒身咁，不妨跟進博佢炒上0.5元，止蝕位可考慮放0.26元。
古晨