早前上證曾大跌逾8%，為市場發出警號，其後雖然再創新高，但見頂再進行派發，並出現雙頂回落走勢。上證尋日一口氣連破幾個關口，市場信心盡失。雖然話大市回調合理，但今次跌法認真誇張，相信中央在穩定信心下，快會出口術穩定市場。港股跟跌亦無可厚非，不過市場秩序良好，尾市狂插水下，反覺市場沽壓不算太大，估計差唔多可以入市買吓嘢。
股仔無氣氛自然唔炒，大價股升咗咁多，回吓氣亦十分正路，其實市場仲有大把錢，只要大市穩住跌勢，啲炒鬼一旦埋位，啲嘢又再嗱嗱聲再炒過。好似隻保利達資產（00208）咁，橫行多時一直無咩沽壓，尋日明明想發動攻勢，只可惜大市唔就，現價入貨風險唔大，向上可睇1.6元，止蝕可放於1.05元。
古晨