伍詠薇想食醫生向馬國明約炮

伍詠薇與林盛斌你一言我一語，玩謝三位靚仔嘉賓。

邵氏網劇《飛虎之雷霆極戰》將於星期一在翡翠台播映，在myTV SUPER播放的邵氏特別節目《TIGER'S TALK》，首集搵來3位型男主角黃宗澤（Bosco）、吳卓羲（Ron）及馬國明擔任嘉賓，主持則是「搞嘢」組合林盛斌及伍詠薇。面對型男，伍姑娘笑言本來又要出動救命武器「氧氣筒」，但原來除馬國明外，Ron與Bosco分別在劇集《大唐雙龍傳》及《飛虎之潛行極戰》中演過她的兒子，她笑說：「如果計真實年紀，嗰啲嘢未嚟，我就要生佢哋兩個！」Bob抵死問：「咩未嚟？」伍姑娘說：「月經囉！」

三對一至夠補身

林盛斌又問若揀One Night Stand對象、男朋友及老公，會揀哪一位？伍姑娘即興奮表示One Night Stand要齊三個：「三個一齊嚟！因為我依家呢個年紀，係三個一齊嚟先補到我o架！」說畢又一本正經指會揀馬國明。林盛斌好奇追問：「你揀『力的表現』定係咩？如果揀『力的表現』，你睇吳卓羲對腳粗到……」伍姑娘笑說：「佢呢啲腳形我歎過好多！馬國明醫生我未遇過！」

面對三位型男，伍詠薇的經典反眼Look又嚟喇！

講起要同伍詠薇一夜情，三個即刻笑到衰衰咁！

讚吳卓羲好老公

至於男朋友，她就揀Bosco：「因為我覺得佢好多情趣。（但唔係One Night Stand？）呢個Night Night Stand，你死梗喇！愈嚟愈瘦！」而老公她則選Ron，讚他會是個不錯的老公，Bob即衰衰地問Ron：「就算你不舉都鍾意你！」伍姑娘插嘴：「我會幫到你o架！」