家陣搞乜都講求專業，所以好多後生仔女會不斷進修，考埋大堆資格傍身，勢估唔到日本寫真界都有位女優咁識諗，佢嘅名字叫朝比Pamela，不但擁有混血兒嘅特質─樣貌標致、身材出眾同氣質獨特，本身仲擁有好多專業資格，難怪能成為現時日本最具話題性嘅混血兒女優之一。
美國荷里活有位性感女神叫彭美拉安德遜（Pamela Denise Anderson），而喺日本寫真界亦有位Pamela勁性感，佢就係現年28歲嘅朝比Pamela，除咗可以用一個「靚」字嚟形容其花容月貌，仲可以感受到一股妖艷得嚟又唔俗氣嘅風韻，令好多男士嗒晒糖。阿妹之所以得天獨厚，與血統有關，佢阿媽係日本人，阿爸係加拿大人，身為混血兒，個樣自然鬼鬼哋，而身材亦一如洋妞般火辣，上圍對E奶富有彈性，而蜜桃臀則又圓又飽滿，仲要翹得高一高，配合埋條纖腰，隨意擺個姿勢都盡顯誘人曲線，外在條件簡直係女神級，難怪有人將佢同人氣寫真妹Angela芽衣互相媲美。
樣靚身材正之餘，Pamela嘅好學精神亦好值得欣賞。自從阿妹喺日本美容專門學校畢業，一直有進修，家陣已經獲得好多專業資格，包括美容師、美甲師、化妝師，更加係一個合資格嘅潛水教練！另外，佢又曾經去過美國留學，修讀電腦繪畫課程，原因係自細鍾意睇動畫，同好多男士有着相近嘅興趣。最抵讚嘅係，阿妹做乜都咁專業，為咗保持健美身段，以最佳狀態應付寫真拍攝工作，每日都堅持做運動，飲食習慣又管理得好好。咁識得注重健康，固然係做老婆嘅好人選，仲要份人咁努力工作，咁嘅女人去邊度搵呀！
朝比Pamela會不時Po性感相到社交網站，仲會分享生活點滴，包括佢同愛貓嘅合照。同佢一樣咁鍾意貓貓嘅朋友，不妨多啲Click入去睇睇喇。
網址：https://twitter.com/pamisaki
年齡：28歲
身高：5呎3吋
三圍：35-23-35
撰文：賢