陳瀅簽邵氏「爹哋」撐腰

昨日藝人黃宗澤（Bosco）、吳卓羲（Ron）、張兆輝、劉心悠、徐子珊、王敏奕、陳凱琳及陳瀅等出席邵氏兄弟藝人簽約儀式及網劇《飛虎之潛行極戰》與《守護神》發布會。

樂易玲受託照顧

現場宣布張兆輝、陳瀅及蔡潔正式簽約加盟成為邵氏藝人，高層樂易玲笑稱與陳瀅「爹哋」相識多年，受對方所託要照顧她。陳瀅事後澄清，「爹哋」是其前經理人公司老闆：「佢同樂小姐好熟，我叫佢做『爹哋』。（已經冇模特兒合約？）完晒！依家合約都係邵氏，其實第一次拍電視劇時已覺得鍾意演戲，嚟緊都想喺電視、電影同網劇試多啲唔同嘅嘢。」她透露簽約五年：「過程開心嘅，睇吓磨唔磨合到。」

張兆輝就指今次簽約是想作多方面嘗試，簽兩至三年，合作方式自由。問到酬勞是否很豐厚？他說：「起碼好似依家咁，但一山還有一山高，總之係開心價。（想演咩角色？）演員好被動嘅，唔似導演想拍乜就拍乜，都係睇故事。（做導演？）唔好喇！付出好多時間。」

樂易玲	張兆輝想試吓演多啲唔同角色。	吳卓羲（左）話同黃宗澤合唱嗰陣係諗住女拍檔，係咪王敏奕呀？

至於Bosco及Ron為主演網劇《飛》劇合唱插曲，現場播放MV，Bosco笑說：「我好耐冇唱歌，仲要合唱情歌，係講兄弟情嘅歌。」Ron笑說：「我哋拍MV嗰陣背對大家，係諗住劇中嘅女仔嚟唱。」現場又播出Bosco劇中赤裸上身騷肌畫面，令他一臉尷尬。

黃宗澤唔怕被惡搞

兩人受訪時提到十年後再合唱，Bosco說：「對上一次應該係唱奧運、世界盃嘅。（驚畀人惡搞？）冇所謂啦！都係得啖笑。（見到自己騷肌相尷尬？）唔係，依家男仔剝衫好似係慣例，女仔反而唔使除。」在旁的王敏奕爆Bosco為騷肌戒油糖。而Ron則表示劇中後期才加入飛虎隊，多穿飛虎制服，故沒有騷肌機會。他又笑指到場才知道歌曲是插曲不是主題曲，而主題曲由近日甩拖的林峯主唱，他笑說：「唔講喇！我唔係好理解，唔講咁多。（林峯有冇同你吐苦水？）冇同我講呢啲嘢。」

文：影視組