東網直播飛鏢盛事見證準神誕生

「中銀人壽總會盃邀請賽」採取單循環淘汰制，進行「501」及5盤3勝制，「鏢壇」最靚生招牌梁雨恩（Cathy）就為大家分析4場半準決賽賽事，細數各場之「最」！8強賽事中戲碼最強，便是由去年度The World世界排名第1的「新加坡傳奇」林良華（Paul Lim），火併有「鍊金術士」稱號的香港鏢手斯科特麥肯齊（Scott MacKenzie）。

林良華火併鍊金術士Scott

林良華於1990年世界錦標賽一戰成名，到現時仍是唯一一位華人以9鏢「Perfect Game」完成501分的選手。今屆賽事如選手做出「Perfect Game」，將獲得價值169,800元的Harley-Davidson電單車，作為Paul的徒弟，Cathy認為師傅最有機會挑戰成功：「全世界只有唔夠30人可以完成創舉，對鏢手嚟講係一件好難又好夢幻嘅事，所以大家絕對要好好欣賞佢嘅技術。」至於Scott亦享負盛名，曾多次代表香港參加世界賽，其中於2015年更歷史性打入PDC飛鏢世界盃8強，創下香港歷來最佳成績，今仗兩位強手相遇，必有惡鬥！

至於由2017年The World世界排名第2的林鼎智，迎戰「總會大使」梁啟勳的賽事就最「熟路」，皆因兩人時常於比賽交手，彼此非常熟悉，Cathy認為這場宿敵對碰是「五五波」：「兩位都係老對手，邊個勁啲好難講，要睇嗰刻發揮如何，所以應該會好精彩！」另外一場「中青大戰」便最有衝勁，由新星梁文洛（Hugo）向「野豬」伍其富（Joe）挑機，Hugo雖然年紀輕輕，但在青少年組別已未逢敵手，即使Joe曾贏得2017年HKDA League Master冠軍，Cathy仍看好這位後起之秀：「Hugo係8位鏢手之中最年輕，正所謂初生之犢不畏虎，佢短時間之內已經去到高水平，雖然大賽經驗少，但勝在無懼有衝勁，最近狀態亦一流。」

鏢界索女梁雨恩越級挑戰

Cathy亦有份參加今次大賽，將會與曾拍檔贏得2016軟鏢World Cup冠軍的隊友余子安交鋒，上演最「無情講」大戰！Cathy指實力或未及對手，但希望藉短途賽制「偷雞」：「到時睇下邊個快啲爆發，埋鏢要掟double咁細格，佢可能會唔小心掟中附近，呢個時間希望偷到雞。我係賽事唯一一個女仔，點都算係越級挑戰，希望畀啲壓力佢，咁會對我有利。不過點都好都會盡力，畀大家睇到一場高水平嘅賽事！」

香港飛鏢聯合總會第一屆就職禮

日期：3月21日（星期三）

地點：香港萬麗海景酒店

時間：7:00pm中銀人壽「總會盃邀請賽」8強、8:00pm就職典禮及基金成立典禮、8:45pm中銀人壽「總會盃邀請賽」4強及決賽