雯女露香肩 髮術吸金

兩屆視后鄧萃雯日前在清水灣拍攝染髮用品廣告，身穿浴袍的她輕露香肩，在布滿花瓣的水池邊撥弄秀髮，女人「魅」滿瀉！衣衫單薄的雯女，不用埋位時便着工作人員開暖爐，又自備兩個暖包兼披上羽絨取暖，但仍專業地細看拍攝片段及與導演研究。

最緊要靚

問到酬勞是否「視后價」？雯女說：「酬勞滿意啦，拍廣告最緊要靚！」由於多以古裝拍劇，故雯女鮮以長髮造型亮相，是次廣告可謂一圓其「髮術夢」：「好少做啲有女人味嘅角色，但又冇乜時間剪頭髮，所以留到好長。心想留到咁長，如果可以拍頭髮用品廣告就好，點知真係畀我等到！」

雯女每拍完一個鏡頭都會檢討，認真專業。

雯女做足禦寒措施，羽絨暖包齊上陣。

雯女又直言要以頭髮演戲甚有難度：「我全身都可以演戲，但頭髮真係好難控制佢fing去邊，又要hold住個角度。」

此外，最近忙於拍攝《金枝慾孽（貳）》的雯女表示，能夠與蔡少芬及伍詠薇合作相當興奮，亦不怕化妝時間耐：「要靚就要付出，哈哈！」

團體精神

問到會否加倍賣力幫無綫對撼王維基的城巿電訊？她說：「總之有好劇本好角色就試，唔諗結果，亦唔會計較會唔會超越前作。」但她不諱言有困難才能激起鬥心：「咁樣反而更有團體精神，激發我哋要有心有力咁做好呢套劇，打好呢場仗！」

文：阿彭　

攝：唐豁莊