許家傑 陳偉洪 善心愛作戰

許家傑（Jack）和陳偉洪（Calvin）這兩位香港先生冠軍人馬，打籃球相當厲害，二人分別在10年和11年奪得傳媒盃的「最佳神射手」，球技精湛。原來他們從小就已經是籃球發燒友，Calvin笑言：「我由讀幼稚園已經接觸籃球，我細個嘅時候喺內地讀書，阿爺會用單車載我去人哋大學度打籃球，仲記得當時打嘅波係膠波，仲會變形。」

Jack坦言最初接觸籃球是讀小六，他說：「細個嗰陣，哥哥會帶我同佢嘅朋友打波，當時佢哋打波嘅時間好都晏，通常係8至11，所以我人生第一次出夜街都係因為打夜波。」

許家傑坦言十年前曾因打籃球而搞到「拗柴」，要抖足一年。	兩位香港先生十分投契，甚有交流。	陳偉洪與許家傑展示籃球場上的戰績。

獲高鈞賢拉攏

而Jack與Calvin亦有跟高鈞賢、翟威廉等人組隊打籃球比賽，問他們最初何以成軍？Jack說：「最初係高鈞賢搵我哋，原來佢喺TVB已經有一隊籃球隊，而公司中又有籃球比賽，順理成章我哋就跟佢一齊打波。後來我們嘅陣容愈來愈強，就會諗吓將籃球發揚光大，希望可以用香港先生嘅名義去推廣健康嘅運動畀青少年人。」

二人亦揚言希望可倣效台灣藝人陳建州（黑人）成立的籃球隊Love Life，舉行慈善比賽，貢獻社會。

文：專案組