陳偉琪隨街「挑機」鬥好波

「無綫咪神」陳偉琪（Vicky）日前以運動造型，與鄧穎芝及龐景峰等到灣仔出席籃球賽，即席落場跟運動健兒「挑機」。身為藝人的Vicky自爆不時隻身到維園「挑機」：「我依家都會落街場打波，試過有次收工着住裙都落場打！（公眾人物咁打波會不便？）真正嚟打籃球嘅人都會互相尊重，可能我落到場，比起男士會更硬淨、更有男子氣概。」她自爆讀書時曾有人為追求她而學打籃球，擇偶條件是好動、開朗，就算不懂打波也可以。