陳山聰晒舞技女友狂笑

陳山聰、譚俊彥、胡諾言（胡仔）及麥凱程等昨日於將軍澳電視城，為本月舉行的《萬千星輝賀台慶》綵排跳舞項目。山聰透露台慶當日會與49名藝人一同演出，面對一班新藝人，他笑言自己不知不覺間成為前輩：「我就嚟做秋官喇！不過公司多咗演員加入係好事。」他又表示今次不會有高難度動作，會返屋企再練。問到會否先給另一半欣賞舞姿？他說：「佢唔會理我啲嘢，唔欣賞我舞姿，淨係識喺度笑。」

譚俊彥手腳唔協調

譚俊彥則表示去年因拍戲未能參與台慶，故今次是他加入無綫一年多首度在台慶演出。自嘲手腳不協調的他，被問會否加緊練習，他直言會找學過跳舞的太太幫手：「佢一定笑我，由頭到尾話我手腳唔協調得好緊要。（有冇信心老婆教完你會突飛猛進？）會好啲嘅，都要靠佢。」他笑言可與大女一齊練，當作親子活動。

此外，談到父親狄龍日前於馬來西亞一個頒獎禮上奪得終身成就獎，俊彥表示已恭喜父親：「聽佢把聲好開心，終身成就獎係一個認同。」並透露後日會飛到當地會合父親，出席首映禮後一同回港與家人慶祝：「佢冇咗啲孫點叫一家人，依家啲孫嘅地位比我緊要，我係司機嚟咋！」

文：影視組