鄧達智呷醋老公婚後多仔追！
著名時裝設計師鄧達智今年9月破格在港舉行同性婚宴，與醫生男友陳梓欣婚後兩個月，人前人後均表現恩愛，不過有人卻硬追陳醫生，令鄧達智大感無奈！
今年鄧達智（William）宣布出櫃，並與同性男友結婚，成為香港首對在港擺喜宴的同性伴侶，雖然香港仍未有同性婚姻，但其高調婚宴，已引起不少話題。婚後兩人有影皆雙，除了仍然分開住，基本上都是密密見面，互相融入大家的圈子，William說：「佢成日嚟我啲朋友聚會，比我想像中大方，因為佢係比較怕醜嘅人，個人好靦腆；反而我同佢啲醫生食飯多啲，覺得我入佢個圈子容易過佢入我個圈子，好似啲護士見到我會好開心。」
「過分好人令人誤會」
問到婚後有否鬧過交？William直言沒有，但自認會鬧情緒，但都是婚前的事，婚後非常甜蜜，已計劃一連串旅行大計，好好享受二人世界。提到陳梓欣被公認非常好人，William卻酸溜溜地說：「朋友話佢係300%好人，但有時過分好人會令人誤會，大家以前唔認識佢，依家人人都識佢，好似佢facebook短短個幾月就多咗100人add佢做朋友，佢傻到見到有啲common friend就去接受人哋做朋友。（嗰啲係男性追求者？）係！」
「唔止做朋友咁簡單」
William續說：「我個社交網長期有1,000人waiting都add唔到我，我其實已經好少玩社交網，有時某人嘅生日預告功能，正好提醒我，呢個人喺我生活中有冇出現過，如果根本冇，我就刪除呢個人。我係好難接受人嘅人，佢就太易接受人，佢係好細路哥嘅心，有時睇唔過眼，所以要話畀佢聽，有啲人唔止係想做朋友咁簡單。」
文：Tracy Leung
場地：星薈