急做手術欣宜斷腳爆喊

短片中欣宜躺在病床上，面容憔悴，她留言：「給所有愛我的人的道歉，詳情今晚我會再開live交代，對不起，讓你們擔心了！」她透露短片是上月31日早上拍攝，短片中她說：「我依家喺養和醫院嘅病房，因為跌斷咗隻腳，啱啱見完骨科醫生，呢兩日都同我講要做手術，因為除咗骨斷，我嘅腳骨移咗少少位。」

最驚紅館騷受阻

欣宜最擔心是手術後能否百分百康復，更忍不住爆喊：「我好鍾意跳舞，好驚做完手術隻腳會唔似之前咁靈活，但長遠嚟計係要做手術。」她又提到明年的紅館個唱：「我4月22號會開我人生嘅個人演唱會，希望係最佳狀態，所以我一定要做手術，惟有之後落力啲辛苦少少做物理治療。大家放心，我唔會因為呢一隻腳停咗我，或者阻止到我紅館嘅呢一個夢，大家可唔可以為我加油呀？」而昨晚欣宜直播講出事經過，指旅行時跳水出事：「以為啲水好深跳落去，插到啲沙，亦跳錯方向，腳骨裂咗，韌帶斷咗，隻腳移咗位。」

手術後，欣宜的傷腳打上石膏。	欣宜	欣宜鍾意跳舞，身手靈活，直立一字馬更成為她的招牌動作。

欣宜上月底獨自出埠度假，她曾上載到沙灘搵教練學玩立式單漿衝浪的相，並透露頻頻跌落水，膝蓋撞得很痛。據知今次她在外地出意外後，即第一時間通知公司，並緊急返港秘密入院做手術，其經理人說：「欣宜因為唔想大家擔心，所以特登做完手術出埋院先喺網上講。」又指其工作沒受太大影響，兩個月後才拍戲，而錄音工作則如常。

另外，就此事聯絡鄭少秋，其太太官晶華代為回覆指秋官知道女兒欣宜做手術及已出院，並說：「當然希望佢早日康復。」

文：音樂組