單文柔變箭靶 陳展鵬護花：大家明智啲

藝人陳展鵬昨晨現身機場，準備出發到北京進行無綫劇《天命》外景拍攝。展鵬日前被拍得與落選港姐單文柔摸黑駕車到山頂車內食飯，更被指撞車後不顧而去，他昨日展示到警署備案的報案紙。問到是否可以恭喜他有拖拍？他說：「冇時間，呢兩、三個月單文柔好好，幫我做Stylist，但我連坐低都冇時間。（公司想你戀情低調？）一路都冇要我咁做，今次係自己疏忽，我有同單文柔通電話，佢話屋企人都好擔心，我想講聲唔好意思！（佢喺網上被鬧爆？）希望大家消化吓，明智啲，我唔係辯護。（想追佢？）佢係好心地嘅女仔，又免費幫我做Stylist，睇緣分。（胡定欣嬲你？）佢話『你咁黑o架！』佢點會嬲我？（依家唔諗拍拖？）我都係人，但呢兩年邊有時間？拍拖唔係一見到你就拍拖結婚生仔。」