KillerSoap遇狂迷掹樂器
樂隊KillerSoap日前到商場出席迷你音樂會，現場反應熱烈，期間主音Rocky更high到站在咪箱上。受訪時Rocky透露之前都試過到商場開騷：「都幾開心，可以接觸更多歌迷。」問到可見過瘋狂粉絲？其他成員則踢爆成員細佬試過，對此細佬尷尬笑言：「嗰次開騷我一路彈，但有個fans係咁伸手掹住我支嘢，我講掹住我支Bass，搞到我彈唔到。（咁點算？）有保安過嚟推開佢，不過保安都幾粗魯，所以我都唔係幾好意思。」
另外，他們透露七月會推出EP：「搵咗個《我是歌手》嘅Bass手做新碟監製。（會唔會有壓力？）就係想，因為之前啲碟係我哋自己做，今次同專業嘅監製合作先會有進步同埋可以大開眼界。」他們亦謂五月會到北京錄新碟。