迪子主動獵仔生擒韓模
歌手迪子早前到韓國旅遊時瘋狂「獵仔」，在六日行程中遊勻cafe及夜店，放下歌手包袱的她更主動廣結異性，結果神女有心終遇上型男模特兒。迪子不諱言：「覺得有機會發展o架，我九月又去韓國搵佢喇。」
迪子早前跟模特兒好友王丹妮及圈外女友人到韓國旅行，除了盡情吃喝玩樂及買衫外，最大目標是(目及)靚仔。問她可成功生擒Oppa？她興奮謂：「喺cafe見到兩位六呎高嘅靚仔後，我哋不停偷影佢哋，結果畀佢哋發覺咗，佢哋就主動行過嚟同我哋傾偈、影合照，仲請食甜品同飲品，傾傾吓先知原來佢哋係做model。（咁你鍾意邊個？）一個就靚仔啲，一個就大隻啲，我就鍾意大隻啲嗰個，佢哋仲畀胸肌我哋睇，我主動問大隻仔有冇女朋友，佢話冇，我哋交換咗Facebook聯絡。」
推介性愛博物館
問可有下文？迪子原本打算返港前再見對方，可惜時間不夠，不過她有信心可以發展異地戀：「我9月又去搵佢喇。」並自爆曾到夜店再獵艷，可惜目測全場都沒有目標。
除獵仔外，迪子在弘大及三清洞狂掃七十元港幣的韓國衫及牛仔褲，又上了多堂千元一堂的speech level singing學唱歌。問可有好景點介紹？她力推性愛博物館：「只係三十幾蚊入場費，入面有好多三級公仔畀遊客影3D相，仲有春宮片，要喺一個窿度望過去，好有偷窺嘅感覺。」
文：音樂組