GiGi外冷內熱唔係宅女

GiGi全新廣東大碟《怕寂寞的貓》昨日推出，GiGi之前宣布跟法籍男友Sly分手，猶記得06年跟鄭伊健甩拖，GiGi傷心得避走日本治療情傷，但今次GiGi表現冷靜，並全心全意花四個月時間製作新碟，她表示：「我希望大家可以透過呢張碟認識我，外人會覺得貓一定係好高竇，但其實貓都可以好似狗咁熱情，就好似我咁，未識我嘅人以為我好高竇，但其實我好熱情同鍾意熱鬧，絕對唔係宅女，所以『怕寂寞的貓』係形容自己！」

拍拖過程有賺

已甩拖的GiGi自言並不感到寂寞，她說：「一啲都唔寂寞，我有好多個識咗十幾年嘅朋友，又有屋企人，好多謝佢哋咁照顧我。做人唔應該咁執着，無論事業、愛情同生活最緊要呢刻enjoy，唔好為名利工作而錯過真正享受嘅過程。」

GiGi跟拍拖7年的鄭伊健及拍拖四年的法籍男友Sly都未能開花結果，問到此刻的愛情觀，GiGi堅定表示：「成熟咗！」繼而表示：「唔需要因為一段關係結束而覺得失去啲嘢，喺個過程已經賺咗，享受個過程反而係收穫，人生無常，唔使plan得太遠，尤其感情最冇得plan！」

GiGi否認自己有新戀情。

GiGi甩拖後將全副精神投放在新專輯上。

主動約會異性

此外，早前有傳GiGi已投入另一段新戀情，但遭其否認，GiGi坦承有約會異性，但只限普通朋友關係，問她可會主動追求異性？她想了想說：「我會主動去同佢哋做朋友了解吓先，其他嘢就順其自然！」GiGi目送好友李心潔出嫁，由於父母自小離異，令她認為戀人不一定要靠一紙婚書維繫，至於可接受同居？她說：「睇吓對方想要咩相處方式！」

採訪：音樂組

攝影：吳文聰

服裝：TSUMORI CHISATO FW10 COLLECTION BY I.T

髮型：Keith Wong

化妝：Johnathan. Y

場地：Cucina