- on.cc 東方互動主頁
- 3月15日 (六)
有傳林峯因失落視帝而萌生退出娛圈之意，身為其經理人的無綫製作資源部總監樂易玲昨晚由北京返港，並對傳聞回應說：「點會？唔知點解咁傳，佢早排接受東方報業集團訪問，先話想用一、兩年專心唱歌同拍電影。（佢失落視帝唔開心？）唔開心係正常，年年都有人唔開心，證明佢認真對待獎項。（佢推劇表不滿？）其實佢只係為劇集《食為奴》幫手拍巡禮，未confirm係佢做，佢呢輪日日忙演唱會，都未返過公司，又點推劇？佢亦都未到傾續約嘅時候，合約期仲未完。」
身為阿峯堂妹的林夏薇謂：「作為家人，我點都會支持佢，不過我覺得佢好啱做呢行。」擊敗阿峯勇奪今屆視帝的黎耀祥則表示：「我覺得佢壓力好大，一個三十幾歲嘅後生仔咁樣好陰功。有時我哋做得好辛苦，都會有咁嘅念頭。」
至於馬浚偉昨出席「衍生」活動，談到阿峯退出一事，他說：「佢好有潛力、好啱做呢行，總之唔好心灰，獎項係其次，唔好嘥咗自己。（佢話要幫阿爸做生意？）咁可以請人幫手，邊拍嘢邊學做生意。」
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
