嫌港騷飛太平：唔使宣傳都賣晒！

林峯前晚往夜店蒲頭前，先與王菀之、關心妍、鄭欣宜等為無綫《勁歌金曲》錄影，並透過傳媒隔空叫樂易玲不要再安排工作給他，林峯說：「希望樂小姐由依家起，唔好再安排工作畀我，除咗頒獎禮外，內地同香港都要全面停工，我要閉關全心投入籌備一月演唱會，咁先對得住fans，演唱會好重要，係我嘅音樂總結，服裝少布到我驚凍親。（上《勁歌》谷個唱？）我內地飛炒到6000元一張，香港飛太平，唔使做宣傳都賣晒！我上節目係為拉票，我想自己係8號，用番選視帝啲綵帶。（號碼唔利你？）我8號出世，上次我貪玩，搞noise啫！」