邵棋琪提升口技瓣瓣掂
19歲「紅燈女」邵棋琪初登大銀幕即有超激演出，穿泳衣騷火辣身材之餘，更與同片的沈震軒廁所激戰，令觀眾睇到血脈沸騰！身兼主持的她笑言希望提升口才多方面發展，一於靠把口搵食！
電影《喜愛夜蒲2》中的性感女演員數以十計，球來球往眼花繚亂，要突出自己並不容易，但其中一位新演員的超激演出令人眼前一亮，看過電影的觀眾必會記得這名「紅燈女」及蹲低為沈震軒（Sammy）提供「特別服務」的蒲女，她的名字叫邵棋琪（Monnie）。
只得19歲的Monnie表情多多非常精靈，自動波擺出多款甫士，予人熱情豪放的感覺，但她自言個性慢熱深閨，跟片中的蒲女Look完全不同：「我唔會去蒲，只係去朋友生日會，同埋之前拍戲先去，我又對酒精敏感，所以唔會點飲酒。」
初拍咀戲唔尷尬
Monnie初次拍咀戲及親熱戲已經挑戰尺度，問到可會感尷尬？她說：「話晒Sammy係前輩，佢有叫我唔使緊張，話自己係正人君子，所以我哋都冇尷尬，只係想做到導演要求。」她表示以為每位女演員的激情戲都一樣火辣，但原來她那段效果堪稱最激，令她頗為意外：「有啲朋友睇完都話我平時咁斯文，原來可以咁放，其實拍攝當日我到場好耐，一路睇其他演員演出，見大家都咁激，所以自己都要放啲，盡量表達夜蒲女仔放縱嘅感覺。」
改變作風學冧人
最近Monnie為nowTV觀星台擔任主持，同時兼顧模特兒、演員及主持工作，她直言希望作多方面嘗試及提升口才：「我口才未夠好，好多人第一次見我都覺得我好靜，之後先變得多嘢講，我唔識讚人同奉承人，嚟緊要積極啲！」
Profile
姓名：邵棋琪（Monnie）
年齡：19歲
身高：1米63
體重：45Kg
三圍：32D、24、34
簡歷：去年加入模特兒公司StarzPeople、曾拍攝不少廣告包括中原電器、Kisses朱古力、政府集體戒煙宣傳片，微電影《看不見的聲音》及電影《喜愛夜蒲2》。
文：立影
攝：沈健程
化妝：Shirley Lee
髮型：Nicky Ting
泳裝及場地：Roxy