高海寧人多勢眾 徐淑敏影後吸睛
徐淑敏（Suki）與高海寧（高Ling）兩位新舊咪神昨日分別現身書展，已為人妻的Suki人氣明顯不及現任咪神高Ling，但幸好Suki身穿透視露背裝，才成功吸引鏡頭，挽回面子。
Suki與高Ling兩位無綫新舊咪神昨於灣仔書展「對決」，各自為推出的新書造勢。可惜兩人均封胸到場，未免令男粉絲失望。身穿泰山裝的高Ling手戴母親送的水晶戒到場，由於她到攤位Sell書，吸引數十名粉絲與市民撐場，氣氛熱鬧。Suki則選在簽名區簽名，但只得十多位粉絲排隊，人氣可謂輸足幾條街。幸好Suki以露背裝上陣，總算以小性感挽回「收視」，不致輸得太肉酸！
提感情面都紅
高Ling坦言新書《寧.....密語》面世，似生仔一樣，前晚見到新書時更差點哭出來，自己亦有親自校正。問為何不以咪神形象示人？她笑謂：「開心、靚咪得囉！」問到新書會否提到感情事？高Ling即大亂陣腳，面紅耳熱地稱：「冇，入行都冇拍拖。（旅行社太子男友呢？）冇呀！（散咗？）總之冇，依家係單身！」慌失失的她更問非所答，竟說自己的新劇於前日煞科兼開鏡，相當搞笑。
否認生第三胎
高Ling完成宣傳後，前無綫咪神徐淑敏於書展簽名區為其新作《甜美素肌》舉行簽名會，但只得十多位粉絲撐場。Suki表示預了五百份自己調製的香水禮物送給粉絲，老公亦買了六百本書送給親友。提到早前老公覺得她有喜，Suki說：「雖然未驗，但應該唔係。（點解老公覺得？）可能我易忟，食嘢想嘔，都係因為出書壓力大先會有疑似有咗嘅迹象。（準備生第三個？）依家同兩個女瞓，尋晚細女喊，大女踢我，醒咗八次，所以有黑眼圈，下年先啦！（想生仔？）有梗係好。」
文：影視組