陳茵媺唔吼陳豪免「亂倫」
昨日陳茵媺出席商場活動，大受小朋友歡迎，其中一位男童更捉着她的手不放，場面搞笑。提到聖誕節，陳茵媺稱聖誕節要開工，但平安夜則抽空，跟專程從加拿大返港的父親在家中整蛋糕過節。
雖然佳節要開工，但陳茵媺表示十分開心：「我哋會喺錄影廠交換禮物，希望新一年繼續喺節日中有工開，咁先好運。」另外，有指陳豪與廖碧兒分手後，被全台女藝員「吼實」，陳茵媺透露與陳豪在新劇《心戰》中飾演兄妹，她笑言二人正培養兄妹情，並大讚對方：「佢好好人，又有風度，仲經常提點我。（好多女仔吼住佢？）好男仔平時都會好多女仔吼。（係咪你喜歡嘅類型﹖）冇諗，佢喺劇中做我阿哥，唔想搞亂關係，現實生活就專心工作。」
