熱火炒湖人聖誕快樂 大帝三雙 高比心傷

雖然兩軍主將高比拜仁及勒邦占士，賽前異口同聲表明反對聖誕節比賽，但兩人尋日依然「應節」着上「聖誕靴」落場，「大帝」襯番隊色嘅火紅，而高比就改着螢光綠色，為場上增添不少聖誕氣氛。湖人上場對公鹿大跌Watt，估唔到頹勢延至今場，高比仔首節起手全「炒粉」，讓熱火早段已搶得優勢。

第二節出現小插曲，湖人「茅王」阿堤斯在籃底防守占士時鎖住對方，兩人因此發生輕微衝突，結果雙雙被罰技術犯規。占士賽後說：「當時我好似在打WWE（美國職業摔角賽），已經畀佢『鎖喉』，我一心只想擺脫，卻要食技犯。」湖人在往後未見起色，最後一節更有長達6分鐘未得分，被熱火打出一段14比1嘅攻勢，最終湖人慘敗16分，主場兩連敗。

魔術終止塞爾特人14連勝

「大帝」喺球場上過快樂聖誕，除咗協助熱火贏波，佢亦攻入27分、11個籃板及10次助攻，取得職業生涯第37次「三雙」，亦係自86至87球季後，首位球員在聖誕大戰食出大三元，另外佢亦累積1,000次搶截，刷新另一里程碑。熱火今季被指「未夠班」奪冠，多少因為此前面對強隊輸多贏少，但如今擊敗上季總冠軍湖人，「三巨頭」挽回不少面子，而保殊賽後亦豪言，熱火夠料贏今季總冠軍！

同日賽事，魔術憑巴斯攻入全隊最高21分，以86比78擊敗塞爾特人，並終止「綠軍」嘅14連勝。至於雷霆就有杜蘭特狂轟44分，以114比106擊敗續缺安東尼嘅金塊。

NBA賽程

時間 賽事（前者主場） 讓分

周一4:00am 快艇 Vs 太陽 快讓1.5分

周一7:00am 騎士 Vs 木狼 騎讓2.5分

周一7:00am 活塞 Vs 公牛 公讓4.5分

周一8:00am 溜馬 Vs 灰熊 溜讓4.5分

周一8:00am 黃蜂 Vs 鷹隊 黃讓3.5分 now 678、有線62及有線165台直播

周一8:00am 馬刺 Vs 巫師 馬讓8.5分

周一9:00am 金塊 Vs 76人 金讓4.5分

周二8:00am 山貓 Vs 活塞 山讓4.5分

周二8:00am 籃網 Vs 魔術 魔讓2.5分

周二9:00am 灰熊 Vs 速龍 灰讓4.5分

周二9:00am 公鹿 Vs 鷹隊 鷹讓4.5分

周二9:00am 木狼 Vs 黃蜂 黃讓2.5分

周二9:00am 雷霆 Vs 小牛 雷讓4.5分

周二9:30am 火箭 Vs 巫師 火讓10.5分 中央5台直播

周二10:00am 爵士 Vs 拓荒者 爵讓6.5分 now 678及有線165台直播

周二11:00am 帝王 Vs 快艇 帝讓3.5分

周二11:30am 勇士 Vs 76人 勇讓3.5分

戰果放送

紐約人 103:95 公牛

魔術 86:78 塞爾特人

湖人 80:96 熱火

雷霆 114:106 金塊

勇士 109:102 拓荒者

註：前者主場