江若琳打足底唔怕甩褲
江若琳（Elanne）、張繼聰昨日為《歡樂滿東華》項目「絲絲入扣空中舞」排練，二人會在半空做危險動作，不時要在長絲帶上倒吊，谷到面紅紅，Elanne笑言：「我哋喺上面谷到面紅，嗰晚可以唔使化妝，慳番化妝。（有冇危險性？）有呀，因為喺廠半空冇用威吔，仲要喺總理頭頂上空盤旋，張繼聰就要用力夾實我，我哋啲腳要互夾。」
經過一周排練，Elanne練到手腳瘀黑兼周身骨痛，且將性命交給張繼聰，問到屆時會穿甚麼服飾演出？Elanne說：「未知，應該係緊身衫。（怕唔怕倒吊會甩褲？）嘻……我會打足底。」
呼籲善長豁出去
另張繼聰揚言今次是力的考驗，笑謂現可到瀋陽雜技團「秘撈」，還叫Elanne放心，他一定用力捉住她。問到籌多少善款才滿意？他說：「我哋都豁出咗，大家都應該豁出去。」
文：影視組