祥仔預咗無獎攞

黎耀祥偕楊怡出席德國孖人牌廚具記者會，即將與佘詩曼合作新劇的祥仔，笑言不怕傳緋聞，他說：「我係緋聞絕緣體，又結咗婚，傳乜鬼吖！我好緊張《巾幗梟雄之義海豪情》就真嘅，呢套係我從影以來最滿意，我成日問住啲幕後後期做成點，從冇試過咁。（想攞獎？）有《公主嫁到》呢個勁敵，不過我有晒心理準備，我攞過，冇理由年年攞，但今集加入日本打仗呢類歷史，相信會比上集好。（中日話題敏感？）講事實啫，不過我短期內都唔諗住去日本，因為釣魚島係我哋o架！」