鍾舒漫玩低調免引人注目
鍾舒漫（Sherman）昨日與新人連詩雅現身服飾品牌bread n butter新店開張儀式，身穿鮮紅連身裙的Sherman說：「平日出街比較平實，已經過咗小朋友着衫好誇張、染晒頭，出街一定要畀人望到嘅時候。」問到Sherman年尾頒獎禮會否挑戰性感底線？她說：「性感係OK嘅，但要睇場合，冇理由着住三點式去頒獎禮o架。」此外，有傳TVB今年將不會舉辦《翡翠歌星賀台慶》，Sherman就言：「都有少少失望，因為係每年嘅一個party，但相信一定會再搞嘅。」
即將出碟的連詩雅就希望有好成績，報答公司揼本力捧，自認慳妹的她感謝品牌贊助提供靚衫，連詩雅又謂入行後為怕被指炒作變得怕醜，她說：「只會與同公司嘅男仔例如方大同、周柏豪玩，（同何小姐爭？）唔係，朋友啫。」