A. Lin DaDa被博懵當唔好彩
周秀娜、蔣璐霞、盧頌之（DaDa）及A. Lin前晚到旺角行人專用區為新片《殭屍新戰士》宣傳，吸引近二百人圍觀。一眾演員派發殭屍公仔，不消五分鐘全數被搶空。她們之後移師戲院接受訪問，眾女均指非首次到旺角宣傳，DaDa與A. Lin稱已做好安全措施，不擔心混亂時被博懵，兩女更謂：「真係咁唔好彩咪當硬食囉！」周秀娜亦笑言全程站在打得之人蔣璐霞身旁，必定安全。
稍後會到台灣拍戲的周秀娜，坦言會盡量親身上陣拍動作戲份：「其實呢部戲都有爆炸場面，雖然自己冇份，但都覺得好震撼，相信工作人員有晒安全措施，所以唔會特別加重保險。（使唔使束胸？）如果束就做唔到人肉發電機效果，或者到時要跑先算啦！」
