Baby認黐身：依家好開心

著名時裝品牌Hugo Boss旗下的BOSS Orange最新概念店昨於ifc開幕，大會邀請韓星張赫、何潤東、高以翔、羽翹及Baby等出席。

同屋企人好開心

問到Baby有關「Sa霆戀」一事，她說：「自己好忙，未有時間睇新聞。」對於早前在微博暗示二人的戀情不止三個月，事後又刪除留言，她解釋：「呢啲係講者無心，聽者有意，過咗去，我唔想再講。唔想再講再跌入漩渦，活在當下，開心就得，我依家好開心。」

另對於早前有指黃曉明嫌她太黐身而與她分手，她說：「邊本雜誌寫？我好耐冇睇八卦新聞，娛樂新聞大家就當娛樂心情睇。」不過她就承認自己黐身，她說：「我見到媽咪就黐身，工作上係獨立。」談到現在感情生活，她說：「好開心，同屋企人好開心。」問到是否當黃曉明是屋企人時，她只報以甜笑。

至於張赫與Baby合照時，一直未有眼神交流，問到他對Baby印象如何？他說：「佢好靚，個樣有自信。」

羽翹未怕天氣轉涼,，露出長腿出席。	張赫完成活動後，即返韓國拍一部講殺人犯的劇。	台灣型男高以翔現身活動。

文：名人組