古巨基腰患無損能力
古巨基、泳兒等前晚出席無綫《善心滿載仁愛堂》錄影，基仔早前因腰部舊患劇痛需以輪椅代步，前晚已好轉不少，行路不需要輔助，基仔表示：「之前係腰部舊患，痛到影響日常生活，包括換衫、沖涼同去廁所，返香港後即刻搵醫生幫我針灸。」經過一番治療後，雖未能根治但都已好了許多。
記者笑問基仔有否影響其「能力」？基仔笑着反問：「咩能力呀？（男人能力囉？）男人最重要係工作能力，冇事喎！（咁傳宗接代能力呢？）將來嘅事未諗到咁遠，相信都唔會有影響嘅。」記者建議基仔，萬一不幸有影響，大可以效法李家傑搵代母產子，基仔聽後笑言：「應該未去到呢個階段，唔需要選擇呢個方法。」