趙世曾：搵代母乾手淨腳！

四叔李兆基長子李家傑被爆已為三胞胎之父，消息哄動全城。昨日本報記者致電趙世曾，對於代母一事，他讚不絕口：「幾好呀，唔使太多麻煩，如果你同第二啲女人生咗仔，間中又要同個小朋友嘅媽咪聯絡處理小朋友事，冇阿媽就乾手淨腳，我覺得係一個好方法。」他又謂要生仔有三個方式：「最普遍方法咪結婚生仔囉！第二就好似我咁唔結婚，但同另外一個女人生，但咁就要負擔一半生活費；第三就好似李生咁囉！其實我後生都有好多女人應徵要同我生仔，面試都十幾個，有啲最後傾唔啱，協商啱嘅咪生咗囉！」他笑言若年輕一點科學又昌明，代母絕對值得考慮。

未搵到合適醫生

而昨日楊諾思出席假Heritage 1881英皇鐘錶珠寶舉行的Kanebo發布會就提到胞弟楊其龍（Gilbert）有意效法李生找代母生子，她說：「嫲嫲過身時佢都有講過，佢話呢個年代冇所謂。」而Gilbert在電話中笑說：「好主意，買個保險o架，咁未搵到老婆又想要小朋友嘅人咪生咗先囉，我自己都有諗過，（點解唔實行？）未搵到合適醫生同診所，（向李生取經？）我都係初步諗過吓o架！」記者笑問他想要哪類型的代母卵子？他說：「冇諗過，有細路仔已經好開心！」

楊諾思於活動上談及Gilbert想搵代母生仔一事。

抱着三胞胎孫兒，李兆基喜上眉梢。（資料圖片）

應該用傳統方法

至於型男古天樂就唱反調說：「我個人唔會考慮，因為我係思想比較傳統保守嘅中國人，（媽咪會否心急催婚？）從來都冇催過，感情嘅嘢從來都唔會向外發表意見，隨遇而安！其實外國人都興領養或用代母，但喺中國人社會嘅例子就唔多，不過隨住社會同人嘅思想進步可能會愈嚟愈普及。但我係一個男人，如果有能力應該用傳統方法傳宗接代。」此外，有傳古仔以3.1億賣出香島淨賺1.5億，古仔就否認說：「向來唔係事實嘅嘢都唔會回應，而事實我從來冇買過香島道嗰幢獨立屋。」

古天樂

楊其龍

而同樣反對的還有名模歐陽妙芝：「我有兩個仔一直都想追個女，但唔會為咗想生女而人工受孕，而我老公亦唔介意再生個仔；所以我都好明白李家想傳宗接代嘅思想，但我始終認為小朋友應該喺有父母嘅完整家庭下成長。」

趙式芝與母親姚煒。

趙式正與母親Terri Holladay。

對於代母生子一事，單身的鯊魚女陳細潔就笑說：「如果早啲流行可能好多人都做咗，我都有個朋友最近搵代母生仔，因為佢自己生唔到，都用咗150萬。（代母係咪只係適合有錢人？）冇錢都做唔到啦，其實除咗美國，依家中國都有啲地方有代母，相信將來未必只係有錢人嘅專利。」

文：名人組