朱玲玲撐晶晶在心中
熱愛攝影的朱玲玲昨日在攝影展上表示不知道未來新抱郭晶晶遭紅外線偷拍，但直斥此等行為不應該，應有法律管制，自己亦不會致電問候晶晶，因不想麻煩和騷擾她。
朱玲玲昨日以嘉賓身份出席奧海城舉辦的《空中看地球》攝影展，與法國攝影師恩亞祖貝特杭（Yann Arthus-Bertrand）一同主持開幕儀式，現場還有信和集團主席黃志祥女兒信和集團集團總經理黃敏華等嘉賓出席，並與二百位小朋友欣賞是次影展及合照，朱玲玲更獲Yann送上攝影作品做禮物。朱玲玲表示Yann是攝影界的大師級人馬，若有機會她也會趁機偷師以及拜師學藝。不過她就不會效法對方高空攝影，她說：「我唔係怕高，只係身體問題！我始終都係鍾情影花卉。」
為囝囝解畫
問到她可有看過未來新抱郭晶晶早前遭人以紅外線偷拍的相片和報道時，她表示不懂中文，冇睇過，亦冇用過呢類相機，但隨即反問：「你哋呢度冇呢啲相機呀？呢啲係唔應該嘅行為，應該有法例管制，如果係有惡意嘅，就應該好多人會講。（囝囝霍啟剛因為呢件事好嬲好勞氣？）你又知佢勞氣！（佢冇同你講咩？）冇！係咪你哋打畀佢時佢開緊會、做緊嘢，你哋打畀佢令佢分心。」
「唔騷擾佢」
記者問朱玲玲可會致電晶晶問候？她表示：「唔會，唔會煩同騷擾佢，佢哋都面對過好多有好又有負面嘅新聞，呢啲係佢哋嘅life。（咁佢哋幾時結婚？）你哋見到佢哋時問佢哋啦！（佢哋叫我哋問你。）唔講喇！（你唔恨飲新抱茶咩？）我有好多個仔，唔講喇！」
文：名人組