吳君如投志偉倒戈賀歲

吳君如過去多次夥拍黃百鳴演出賀歲片《囍事》系列，但最近黃百鳴以銀彈攻勢邀得張栢芝及劉嘉玲加盟主演《最強囍事》，昔日好拍檔君如亦隨即倒戈，擔任曾志偉監製的《我愛香港》女主角，進行大反擊。

本年初，各為其主的君如與志偉不時隔空互片，但未來兩人即將同坐一條船。據知君如將與男主角梁家輝在《我》片中飾演夫婦，最近人氣急升的林欣彤扮演兩人女兒，且佔戲甚重，至於「少年志偉」及「少年家輝」則分別由王祖藍及黃宗澤飾演。故事講述一個家庭在屋邨幾十年間發生的趣事，而君如角色亦有大突破，導演鍾澍佳說：「今次係喜劇，同《歲月神偷》嘅佢唔同，似係開心版余麗珍咁。」問到如何撬得君如過檔？他表示全因劇本：「佢鍾意個劇本，講錢邊夠黃百鳴勁呀！（君如唔係大肚咩？）冇聽過佢講喎！」

曾志偉一度放棄

此外，邵氏電影製作總監黃家禧前晚出席《抱抱俏佳人》慶功宴時開心得喝醉酒，大爆因老闆方逸華認為屋邨故事局限於香港並不太好，一度令志偉放棄《我》片，及後他寫信鼓勵，志偉才決定繼續拍。對於黃家禧的踢爆，志偉忍不住說：「嘩！佢真係飲爆咗！」他承認方逸華曾認為劇本不夠瘋狂好笑，但最後一人讓一步，電影會照拍。

文：影視組