周秀娜見錢眼開搏盡爆波

曾志偉、錢嘉樂主持的《超級遊戲獎門人》前晚錄影最後一集，邀請黎耀祥、謝天華、張嘉兒等參加，而周秀娜（Chrissie）亦聯同電影拍檔元華、錢小豪來應戰。原來今次是Chrissie首次參與節目，問到玩「爆波波」時有何準備？她笑言：「冇呀，佢哋話最緊要玩得投入，我叫佢哋盡力掟我落去囉，坐波波我都OKo架，我屁股夠尖，可以坐爆啲波。」Chrissie如此搏命，原來推動力在於豐富的獎金獎品，並笑言不惜化身電影中的殭屍，咬爆波波爭勝。

志偉認收視欠佳

而在「爆波波」環節中，錢小豪、元華果真毫不客氣地將Chrissie抬高再掟落波波上，令她痛苦得無奈傻笑，但張嘉兒的情況比Chrissie更慘，其前度緋聞男友金剛及吳家樂完全不憐香惜玉，將她抬到最高才掟她落去，場面搞笑。

周秀娜被元華狠狠地掟在氣球上，狀甚痛苦。

張嘉兒在最後一集《獎門人》中亦慘成被玩對象。

對於今次是最後一集，曾志偉笑言：「年年都係咁講啦，之前話唔做唔做又做，嚟緊年幾都唔會做。」不過志偉承認今輯收視稍遜，是由於太多限制，嘉賓玩得不夠放，而無綫與四大唱片公司決裂，亦易令嘉賓很快重複，但他對節目成績仍感滿意。

謝天華（左二）抱梁靖琪出場時顯得頗為吃力。

曾志偉對今集《獎門人》的成績感滿意。

文：影視組