李曼筠玩食腦自製網片
最近「動漫Maggie」李曼筠拒行性感改為食腦，親自炮製網上節目《曼遊十分Zone》，不論度橋、聯絡至諗稿都一手包辦，每個周末深夜上載短片，本周六晚展開第一擊！問到為何有自製節目念頭？她說：「我鍾意四圍搵嘢食，有一日忽發奇想，不如整個節目同fans分享吓！之後諗到加入遊玩、寵物同運動美容等幾個元素。」
不過拍攝期間亦遇到不少阻滯，如日前她到海洋公園拍攝玩鬼屋，卻撞正落雨要改期，幸好之後亦拍下不少搞笑場面。而她到Cafe學整法式薄餅及飲品Latte，亦搞出大頭佛！她說：「我一去到個電磁爐就壞，個個都笑我係『電器殺手』，累佢哋要即刻買部新嘅。」雖然沒有酬勞，但Maggie亦樂此不疲：「我鍾意做統籌，完成一件事好似生咗個ＢＢ咁，好開心。」