王浩信拍情慾戲傾好咪亂掂！
李佳芯、王浩信、陳庭欣及蔡思貝日前到灣仔法院，為無綫劇集《踩過界》拍攝一場勝出官司的戲份，扮演盲人律師的浩信透露每日開工17、18小時，故早已適應盲人生活，更自爆日前與佳芯拍攝情慾戲，雙方事前溝通好，未有接觸到不應接觸的部位，反而因要騷肌而非常難忘！為以最佳狀態「騷Quali」，他於拍攝兩、三小時間不停做運動，原來他想過「收山」不再騷肌，但最後又心思思：「我操到有啲病態，少少脂肪都接受唔到！」
至於佳芯則飾演女法官，但不乏低胸短裙造型：「未拍到嗰啲戲份，但有見過戲服，都接受唔到。（有冇買過啲Bra？）有為着性感衫去買咗3、4個唔同款式嘅Bra，等出嚟效果勁啲，我真係未見過自己有咁勁嘅事業線！」
