盛傳懷胎四月的李嘉欣，預產期約在明年二月農曆新年左右，大有機會生個「兔BB」，據堪輿學家麥玲玲表示，兔BB與屬狗的嘉欣及屬虎的許晉亨相當夾，麥玲玲說：「根據預產期嚟睇，嘉欣生兔BB機會好大，BB將來好旺父母，家宅運好強，同爹哋媽咪感情好好，而嘉欣個『子女宮』生得好靚，代表將來嘅仔女精靈活潑，有出色表現。」不過麥玲玲也表示嘉欣亦可能有機會「掹車邊」生虎BB，她說：「若然係生虎BB，會同媽咪夾啲，但同爹哋可能有爭拗。」