傅穎谷行4吋救事業

早前Theresa在微博自爆失聲，據知她的聲帶出現問題。Theresa為電影《熱浪球愛戰》開拍首日，因吸入防蚊煙霧引致氣管敏感，之後又連踩多晚通宵戲，令病情一發不可收拾，聲帶喉嚨發炎。經診治後，醫生指她疲勞過度，導致兩條聲帶不能正常拍埋，出現漏氣，連說話高中低音都失控，甚至嚴重至失聲，病情持續一個月仍未康復，唱歌事業被迫叫停。

打亂宣傳大計

加盟星皓的Theresa為響頭炮，獲公司重本安排到韓國學舞，苦練多時的她以嶄新性感歌路勁舞演繹新歌《加加夫人》，令人刮目相看。為乘勢追擊，原定九月展開宣傳攻勢，十月出唱片，但因聲帶問題，打亂唱片大計。她無奈說：「唱歌突然叫停係好大打擊，醫生要我好好休息兩個月，最嚴重係講唔到嘢，好多騷都因為唱唔到推晒，損失咗好多錢。（會唔會驚冇得再唱？）唔驚，只係擔心復元時間唔知要幾耐。」

曾經飽受被抨擊唱歌「走音」的Theresa說：「最唔想係啲人以為我搵藉口！你係咪真係病架？所以有啲騷我寧願唔接，都唔想夾口形去唱。我仲有首歌未錄，唔知幾時錄到，醫生建議我上聲帶治療堂，但我都冇時間休息，拍完戲後我要同公司請假半個月休息。」

日本娃娃 形象不斷「進化」的傅穎，早前衣着打扮走「和風」路線，成為宅男女神。

狂野舞女 近期轉走跳舞路線的傅穎，頻頻露事業線。

為電影補配音

歌唱事業突然叫停，Theresa惟有暫時轉戰影壇，忙着為《熱》片趕煞科的她，日前拍攝一場激烈的排球戲，她飛身搶球托波，竟神奇地夾出四吋深的「事業線」，力撼同場的周秀娜。Theresa表示平日少運動，為了今次演出下過苦功練波。曬黑了的她說：「因為聲帶有事失聲，收音影響到。因為我好細聲，之後要為電影補配音。」

有指周秀娜戲中角色非常搶鏡，Theresa表示兩人角色完全不同，她的角色要浮誇地扮cute，周秀娜則比較強悍。她笑說：「我唔使太性感，論身材都唔使講。」Theresa更獲導演力撐，指她毋須太性感，一樣可以以搞笑角色出位。

文：音樂組