Rosemary直指鄧達智冇句啱

中法俄混血名模Rosemary日前在美國火人節因涉嫌藏毒被捕，翌日又再干犯涉嫌撞車後不顧而去，事件引起極大回響，連外國傳媒亦大事報道。Rosemary在美出事後隨即返港，原計劃出席完珠寶活動後由資深公關葉潔馨安排開記招交代，惟事情峰迴路轉，Rosemary前日突然決定取消記招，連珠寶活動也一併推辭，昨晚更乘夜機離港返法國。

美國聆訊後返港

Rosemary伯樂兼時裝設計師鄧達智昨透過電話表示，Rosemary飛法國因一早答應為雜誌影時裝，同時要陪在法國的嫲嫲，對於為何走得如此急？他說：「既然香港工作唔繼續，不如早啲過去，屆時喺法國直飛美國出席聆訊。（佢媽咪Julie去唔去法國？）照計唔去。（爹哋喺法國會合佢？）佢爹哋喺東南亞做生意，佢哋感情好好，應該會一齊。（Julie會去美國陪Rosemary出席聆訊？）相信會去。」

對於Rosemary急走法國，鄧達智坦言並不贊成，但會尊重她的決定，而據知Rosemary出席完29日美國聆訊後便會返港，下月14日出席慈善機構Dog Rescue活動。

此外，鄧達智昨接受查小欣電台訪問時，解釋Rosemary之所以改變主意，因律師意見及在美的被捕照曝光所致，他說：「登咗被捕照之後，Rosemary意識到原來咁大件事，相對於第一日返港，心情變得好壞，美國律師都叫佢最好唔好講嘢，唔建議見大眾，希望佢安靜度過直至返美國。」

鄧達智續說與Rosemary有共識，他說：「我哋都認為事件係no big deal。（冇乜大不了）我同意佢，今時今日世風日下，真係no big deal。」但查小欣不認同no big deal之說法。而Rosemary在昨晚以SMS回覆本報，指鄧達智的說法一百分之一百不確實，應以她所說為準；而Julie媽以短訊回覆說：「請憐憫受壓力的人，讓時間證明一切吧！」鄧達智之後亦否認「no big deal」是Rosemary的想法，而是他個人的睇法。

鄧達智認為Rosemary涉藏毒事件「冇乜大不了」。

Julie或會陪同女兒Rosemary出席美國聆訊。

Lisa S.否認割席

葉潔馨亦承認鄧達智曾找她幫忙搞記招，當時她還提醒對方要獲得美國律師信件，以免講錯說話，但其後不了了之。而曾是Rosemary老友的模特兒Lisa S.亦認為Rosemary開記招較好，更否認與對方割席，指睇住她大，視對方如親妹。

文：名人組