馬賽買名筆阿媽埋單

香港小姐出身嘅馬賽，雖然身材嬌小，但樣貌標致，甚有觀眾緣，自從佢加入無綫後，即受到公司重用，劇集一套接一套，呢啲際遇唔係人人都有㗎！早前拍攝《女王辦公室》嗰陣，仲傳被喺劇中同佢演情侶嘅吳卓羲力追，不過事後兩位當事人齊聲否認戀情。
馬賽兜咗個圈就睇中咗幾支墨水筆。
馬賽兜咗個圈就睇中咗幾支墨水筆。

早前八太喺中環國金見到唔使開工嘅馬賽，做孝順女陪媽咪逛名店。當日兩母女喺商場行咗唔使一陣，已經買到一袋二袋。其後兩母女又分頭血拼，馬賽冇耐就入咗萬寶龍睇嘢，喺裏面兜咗個圈，好快就睇中咗幾支墨水筆，拿拿臨叫店員拎畀佢睇，研究咗十分鐘左右，佢就打電話叫媽咪返嚟埋單走人。

兩母女逛完一輪，拎到一袋二袋離開，收穫豐富。
  • 兩母女逛完一輪，拎到一袋二袋離開，收穫豐富。